Анлăн паллă турĕç

Оригинал

Çĕн Сăрьел ялĕ 225 çул тултарнине пĕтĕм халăхпа уявларĕç

Сцена çине сумлă хăнасем хăпарчĕç. Район администрацийĕн пуçлăхне Леонид Николаева салам сăмахĕсене итленĕ хыççăн тÿрех ямарĕç, уява йĕркелекенсем Юрийпе Леонид Ивановсем чăваш тĕрриллĕ кĕпе тăхăнтартрĕç.

Ял çыннисен ăшпиллĕхĕ, ĕçченлĕхĕ пирки Уйкас Кипек ял тăрăхĕн пуçлăхĕ Александр Петров, вăрнарсен «Туслăх» ентешлĕхĕн председателĕ Андрей Васильев, Красноармейскинчи Упи ял тăрăхĕн пуçлăхĕ Юрий Степанов чылай ăшă сăмах каларĕç.

Ку ялта çуралса ÿснĕ çыравçăн, журналистăн Серафим Ефимовăн истори материалĕсем чылай, вăл илсе кăтартнă хăш-пĕр самантсем праçнике килнисене те тыткăнларĕç.

Юбилей сценине чăваш эстрада артисчĕсем йышăнсан куракансем те чăтса тăраймарĕç – пĕрле юрларĕç, ташларĕç. Ачасемшĕн те савăнăç пулчĕ, вĕсем валли тĕрлĕ аттракцион ĕçлерĕ.

Пĕртăван Ивановсем ялти чи кĕçĕн ачасене – Егор Егоровпа София Иванована, чи аслă çынсене – Федор Гервасьевпа Валентина Ефимована парнесемпе тивĕçтерчĕç.

Иртнĕ çул çĕнĕ çуртсем çĕкленĕ Надежда Кузьмина, Василий Владимиров, çĕн пÿрт кĕрекине хăна пухма хатĕрленекен Татьянăпа Иван Егоровсем, Алексей Батьков, Федосия Иванова, нумай ачаллă амăшĕ Любовь Зайцева та парнеллĕ пулчĕç.

Ивановсем – ялти хисеплĕ çемье. Уява йĕркелекенсен амăшĕ Федосия Константиновна çĕвĕçре ĕçленĕ, Уйкас Кипек ял Совечĕн депутачĕ пулнă, пенсие тухиччен ял Советĕнче секретарьте тимленĕ. Ашшĕ, Геннадий Иванович, ĕмĕрĕпех «Звезда» колхозра трактористра тата комбайнерта тăрăшнă. Шел, вăл пилĕк çул каялла пурнăçран уйрăлса кайрĕ.

Уявра ытти хăнасем те саламланă хыççăн çавăн пекех çамрăк мăшăра – Татьянăпа Сергей Шакировсене те чысларĕç. Концерта Çĕн Сăрьел хĕрачи, тин кăна артисткăна вĕренсе тухнă, халĕ çамрăксен театрĕнче вăй хуракан Алина Зайцева ертсе пычĕ.

Ял çыннисем, хăнасем спорт мероприятийĕсенче, хаваслă стартсенче ăмăртса киленчĕç.

АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии

 
По теме
25 января ежегодно отмечается День российского студенчества. Накануне праздника делимся данными Минобрнауки России и Минпросвещения России.
«Желтый» уровень опасности - Красночетайский район В соответствии с информацией Чувашского ЦГМС: «Ночью 28 марта 2024 года в Чебоксарах и по Чувашской Республике ожидается «ЖЕЛТЫЙ» УРОВЕНЬ ОПАСНОСТИ (северный ветер порывами 15‒18 м/с)».
Красночетайский район
27 марта в рамках кураторских выездов Цивильскую больницу посетила главный внештатный специалист психиатр, внештатный специалист эксперт-психотерапевт, главный врач Республиканского наркологического диспансера Елена Калинина.
Наркологический диспансер
Университет Яковлева инициировал открытие выставки «Сказания Шри-Ланки» - ЧГПУ им. И.Я. Яковлева Сегодня, 27 марта, в Музее чувашской вышивки состоялась церемония торжественного открытия выставки «Сказания Шри-Ланки (Tales of Sri Lanka)» , организованной Чувашским государственным педагогическим университетом им.
ЧГПУ им. И.Я. Яковлева
Спектакль “Анисса” по пьесе чувашского поэта и драматурга Александра Калгана. Фото ДК “Химик” - Газета Грани Вот уже 50 лет народный чувашский театр “Ахрӑм” сохраняет национальные традиции и живительный дух самобытной чувашской культуры.
Газета Грани